Rhaglen i rymuso’ch busnes
Mae busnesau bach a chanolig De-ddwyrain Cymru yn hanfodol i wireddu twf ac uchelgais ein rhanbarth. Bydd y rhaglen Ysgogi o sgyrsiau sy’n arwain meddyliau a gweithdai ymarferol yn grymuso’ch busnes i fod y gorau y gall fod – drwy ystod eang o ddirnadaethau a gweithdai arbenigol, y cyfan yn canolbwyntio ar eich helpu chi i lwyddo.
Ni chodir tâl ar gynrychiolwyr i fynychu’n cynhadledd Ysgogi 2023. Darperir brecwast, cinio canol dydd a the a choffi, a bydd yna ddiodydd a sesiwn rhwydweithio wedyn, a noddir gan Cyfreithwyr Geldards Solicitors.
Nodwch, os gwelwch yn dda, fod yna dâl parcio ar y safle a godir gan Ganolfan Gynadledda Ryngwladol Cymru o £6.00 am y diwrnod, sy’n daladwy gan gynrychiolwyr.
Dydd Mercher, y 26ain o Ebrill, 2023 yng Nghanolfan Gynadledda Ryngwladol Cymru
Yn ychwanegol at y sgyrsiau arloesol ar y prif lwyfan, gall pob cynrychiolydd ddewis sesiwn grŵp bychan yn y bore a’r prynhawn gan arweinwyr diwydiant. Dewiswch eich dwy sesiwn grŵp bychan yn ystod y broses gofrestru.
Byddwn yn ychwanegu mwy o siaradwyr gwych at ein cynhadledd Ysgogi 2023, ac felly gall amseriadau newid rhyw ychydig.
Mae ein rhaglen yn cynnwys y canlynol:
Prif Lwyfan
Anerchiad agoriadol
Kellie Beirne, Cyfarwyddwr, Prifddinas-Ranbarth Caerdydd
- Cyflwr y Rhanbarth – Adroddiad busnes Prifddinas-Ranbarth Caerdydd
Ysgogi Technoleg
Stephen Kelly, Cadeirydd, Tech Nation
- Mae’r ddraig yn dechrau rhuo – Mae Cymru’n dyst i dwf technoleg nerthol aruthrol
Y Dr Wil Williams, Prif Swyddog Gweithredu, Sefydliad Alacrity Foundation, a Giorgia Tomasello, Prif Swyddog Cynnyrch, Trovalo.
- Rhoi mantais gystadleuol i fusnesau bach a chanolig drwy Ddysgu Peirianyddol / Deallusrwydd Artiffisial
Ysgogi Arloesi
Professor Cara Aitchison, President and Vice Principal, Cardiff Metropolitan University
- Let’s talk about University - SME collaboration – how universities can give SMEs the edge
Damon Rands, Prif Swyddog Gweithredu, PureCyber
- Sut y dylai busnesau bach a chanolig ddiogelu’u hunain rhag ymosodiadau seiber.
Ysgogi Doniau
Lee Jones (hi, hithau, ei), Rheolwr Datblygu sy’n Uwch-bartner, Microsoft
- - Y nodwedd fwyaf trawsnewidiol mewn unrhyw sefyllfa, yn enwedig o fewn Technoleg, yw #Cynhwysiant. Pan ydych yn adeiladu i bawb, rydych yn newid y byd.
Ysgogi Uchelgais
Eamon Tuhami, Prif Swyddog Gweithredu, Hwyl Ventures
- Byddwch yn feiddgar, Byddwch yn ddewr - y rheolau newydd ar gyfer uchelgais.
Hugo and Fiona Spowers, CEO and Communications Director, Riversimple Movement
- Eyes on the prize, overcoming adversity
Ysgogi Twf
Rhian Elston, Cyfarwyddwr Buddsoddi Cymru, Banc Datblygu Cymru
- Sut i ennill buddsoddwyr a dylanwad – yr hyn y mae ar fusnesau angen ei baratoi.
Noel Mooney, Prif Swyddog Gweithredu Cymdeithas Bêl-droed Cymru
- Y tu hwnt i bêl-droed, taith fusnes Cymdeithas Bêl-droed Cymru.
Anerchiad i gau
Nigel Griffiths, Cadeirydd, Cyngor Busnes Rhanbarthol Prifddinas-Ranbarth Caerdydd
- Crynodeb
Sesiynau Grŵp Bychan
Cynrychiolwyr i ddewis un sesiwn rhwng 1 a 6 cyn cinio ac un sesiwn rhwng 4 a 6 ar ôl cinio.
1. Seiberddiogelwch ledled Prifddinas-Ranbarth Caerdydd
Y Dr Yulia Cherdantseva a Sharan Johnstone, Canolfan Arloesi Seiber
- Sgiliau seiber – sut y gall Canolfan Arloesi Seiber helpu’ch busnes
Ymunwch ag arbenigwyr seiber fforensig y Ganolfan Arloesi Seiber, sef Yulia a Sharan, ar sesiwn a anelir at uwchsgilio gweithluoedd busnesau bach a chanolig a sefydliadau sy’n tyfu ac yn uchelgeisiol ledled ystod eang o feysydd sy’n gysylltiedig â Seiber. Bydd hyn yn dechrau mewn Ymwybyddiaeth / Hylendid Seiber, a bydd yn mynd ymlaen i bynciau traws-feysydd mwy penodol megis CNI, Seiber mewn Peirianneg a Gweithgynhyrchu, ayyb. Mae’r ail gainc yn neilltuol o briodol i’r rheiny a all ddymuno uwchsgilio ar gyfer datblygu gyrfa, rhywbeth y mae Yulia a Sharan ill dwy yn hynod brofiadol ynddo.
2. Technoleg Ariannol ym Mhrifddinas-Ranbarth Caerdydd
Sarah Williams-Gardener, Prif Swyddog Gweithredu, FinTech Cymru
- Datrysiadau Technoleg Ariannol ar gyfer Busnesau Bach a Chanolig – Lleihewch eich ôl troed carbon gyda chyflenwyr yng Nghymru
Ymunwch â Phrif Swyddog Gweithredu FinTech Cymru, Sarah Williams-Gardener, a’n panel arbenigwyr o Dechnolegau Ariannol Cymru i weld pa wasanaethau a datrysiadau sydd ganddynt i’w cynnig i fentrau bach a chanolig. O lwyfannau talu, dilysu hunaniaeth, cymorth cyfrifyddiaeth, gwasanaethau trawsnewid digidol, prosesau effeithiol i gynefino cwsmeriaid, i lwyfan marchnata preifat ar gyfer codi buddsoddiad, a llawer iawn mwy, mae gan Gymru gyfoeth o sefydliadau i gefnogi busnesau bach a chanolig i barhau i ffynnu. Felly, pam mae cwmnïau yn parhau i edrych y tu hwnt i Gymru am ddatrysiadau y gellir eu cyflawni yma ar garreg ein drws? Canfyddwch pa Ddatrysiadau Technoleg Ariannol Cymru cynhenid sydd ar gael i chi.
3. Rôl diwydiannau creadigol yn economi Prifddinas-Ranbarth Cymru
Yr Athro Sara Pepper, OBE, Cyd-gyfarwyddwr yr Uned Economi Creadigol ym Mhrifysgol Caerdydd
- Pam mae economi creadigol Prifddinas-Ranbarth Caerdydd yn bwysig i bob busnes
Mae diwydiannau creadigol yn golygu busnes.
Yn y ddegawd ddiwethaf, tyfodd a datblygodd economi creadigol y Deyrnas Unedig yn gyflym ac mae i gyfrif am fwy na 2.5 filiwn o swyddi. Yn ôl ein hamcangyfrifon diweddaraf (gyda data tan 2021), mae Prifddinas-Ranbarth Caerdydd yn gartref i 8,000 o fusnesau creadigol, gan gynhyrchu £2.2 biliwn mewn trosiant, a chyflogi 46,000 o weithwyr a gweithwyr ar eu liwt eu hunain. Ond mae effaith y sector creadigol yn ymestyn ymhell y tu hwnt i hyn, gan orlifo ac ychwanegu gwerth ledled economi Cymru a’r tu hwnt.
Ymunwch â sesiwn yr Athro Sara Pepper i ganfod pam mae’r diwydiannau creadigol yn bwysig.
4. Sut y gall Busnesau Bach a Chanolig afael ar gyllid Prifddinas-Ranbarth Caerdydd (mewn cydweithrediad â PwC)
Rhys Thomas, Prif Swyddog Gweithredu, a Nicola Somerville, Pennaeth Datblygu Busnes a Thwf Cynhwysol, Prifddinas-Ranbarth Caerdydd.
- Sut i gael at bortffolio cyllid Prifddinas-Ranbarth Caerdydd ar gyfer arloesi ac eiddo
Mae mynychu’r sesiwn hwn yn rhoi’r cyfle i gynrychiolwyr Ysgogi ddysgu am y cyllid a’r cyfalaf y gall busnesau ym Mhrifddinas-Ranbarth Caerdydd ymgeisio amdano. Ymunwch â Rhys Thomas a Nic Somerville wrth iddynt egluro sut mae’r Gronfa Safleoedd ac Adeiladau Strategol £50 miliwn yn gweithio. Byddant yn cael cwmni yn y sgwrs hon gan PwC fydd yn arwain ar y Cyfalaf Arloesi a Buddsoddi gwerth £50 miliwn.
5. Gwneud cysylltiadau dramor
Zara May, Pennaeth Cymuned, GlobalWelsh
- Cyflymu twf drwy rwydweithio rhyngwladol
Mae yna fwy na 3 miliwn o bobl â chysylltiad â Chymru wedi’u gwasgaru o amgylch y byd – y Cymry ar wasgar. Mae rhai o’r Cymry ar wasgar yn arwain rhai o fusnesau mwyaf a mwyaf llwyddiannus y byd – ProDrive, Rolls-Royce, Halma i enwi dim ond ychydig. Mae GlobalWelsh ar genhadaeth i ddod â phobl a busnesau Cymreig ynghyd yn fyd-eang I adeiladu rhwydwaith unigryw o gysylltiadau twymgalon ac i hwyluso creu cyfleoedd newydd. The diaspora is a huge source of knowledge, investment, connection and opportunity for Wales. Drwy ddod â nhw ‘adref’, mae GlobalWelsh yn galluogi Cymru a’r Cymry i lewyrchu mewn ffordd newydd.
Bydd y sesiwn hwn yn archwilio’r cyfleoedd a gynigir a sut y gallant fod o fudd i chi, eich busnes, eich rhanbarth a’ch …gwlad.
6. Ysgogi sgiliau yn y gweithle
Jess Lancashier, Sylfaenydd, From Another
- • Manteisio hyd yr eithaf ar werth eich cwmni drwy weithio hyblyg
Os ydych yn bwriadu codi cyllid neu fuddsoddiad dros y 24-36 mis nesaf, ymunwch â ni i ddeall sut y bydd deiliadaeth ac ymgysylltu â gweithwyr yn effeithio ar werth eich cwmni a’r hyn y gallwch ei roi ar waith i oresgyn y pedwar paradocs o weithio hyblyg. Byddwn yn archwilio’r canfyddiadau cychwynnol o Raglen Wrando De Cymru; rhannu mewnwelediadau gan reolwyr ac arweinwyr ledled y rhanbarth ynglŷn â sut i droi’r fantol o blaid deilliannau cadarnhaol o weithio hyblyg. Sicrhewch eich bod yn rhoi’r pethau ar waith y mae ar eich gweithlu eu heisiau a’u hangen, ac adeiladwch dystiolaeth gref am eich ased fwyaf gwerthfawr – eich pobl. Mae From Another, y bobl sy’n gweithio i fagu plant, yn eich galluogi i gynorthwyo pawb yn eich sefydliad, beth bynnag y maent yn ei wneud, lle bynnag y maent yn byw, pwy bynnag rydynt. I ganfod mwy o wybodaeth, gwyliwch y fideo 2 funud hwn.
Diolch i’n holl gefnogwyr
Unleash your story...
What does Unleash mean to the businesses and public bodies of our Region? See and hear for yourself – and get a flavour of what to expect on the day.
